Siraha city, दोहा । मोबाइल चार्ज गर्ने क्रममा भएको आगलागीमा परी बैदेशिक रोजगारीका लागि कतार गएका दुई नेपालीको जलेर मृत्यु भएको छ ।
घर फिर्ती केन्द्र (डिपोर्टेसन सेन्टर) को एउटा भवनमा भएको आगालागीमा परी मृत्यु भएका पाँच जनामध्ये २ जना नेपाली रहेको थाहा भएको हो । उक्त केन्द्रमा गैरकानुनी रुपमा बसोबास गरिरहेका कामदारहरुलाई पक्राउ गरेर घर पठाउनका लागि राख्ने गरिन्छ ।
मृत्यु हुनेमा म्याग्दी सिन्गाढा ७ का ३२ वर्षीय पूर्णबहादुर सार्की र धनुषाका २६ वर्षीय सिरान कपार रहेका छन् ।
गैरकानुनी हैसियतमा काम गरिरहेका उनीहरुलाई प्रहरीले पक्राउ गरी नेपाल पठाउने तयारी भइरहेको थियो । मृतक नेपालीको शब स्थानीय हमाद अस्पतालमा राखिएको छ ।
नेपाली दुतावासले मृतक नेपालीको परिवारलाई क्षतिपूर्तिको ग्यारेन्टी नभएसम्म शब नेपाल नपठाउने अडान लिएको छ । उक्त केन्द्रमा अहिले पनि २५० भन्दा बढि नेपालीहरु रहेका छन् ।
- See more at: http://www.sirahacity.blogspot.com.com/2014/09/14
No comments:
Post a Comment